2021– 2023 ўқув йиллари Қўшкўпир туманидаги 4 – ИДУМ нинг 7–“А”синф ўқувчиси Севинчой Дурдиева Султонбой қизи учун самарали келди. У иқтидори, етакчилик қобилияти ва серқирра фаолияти билан ёшларга ўрнак бўларли ютуқларга эришди. Севинчойнинг юқоридаги давр мобайнидаги муваффақиятлари хронологияси билан танишган ўқувчи бунга ишонч ҳосил қилади.
2022 йил, июнь.Ўзбекистон Республикаси Президентининг 2022 йил 20 январдаги ““Заковат”интеллектуал ўйини аҳоли ўртасида оммавий – маърифий ҳаракатга айлантириш ва бошқа интеллектуал ўйинларни ривожлантиришга оид чора–тадбирлари тўғрисида “ ги ПҚ 96 – қарорига мувофиқ ёшларнинг интеллектуал салоҳиятини ошириш, уларнинг мантиқий фикрлаш қобилиятини ривожлантириш мақсадида “Oasis kids future ” нодавлат таълим муассасаларида интеллектуал олимпиадаларни ривожлантириш маркази томонидан ўтказилган ментал арифметика бўйича вилоятлараро саралаш олимпиадасида ва кейинроқ шу олимпиаданинг республика босқичида ҳам фахрли 1–ўринни эгаллади.
Ёшлар ойлиги доирасида маҳаллий сардорлар ўртасида ташкил этилган “Энг намунали маҳаллий Сардорлар Кенгаши” танловининг Республика босқичида фаол иштироки учун Ёшлар ишлари агентлиги директори А.Саъдуллаев, Ўзбекистон Ёшлар Иттифоқи Марказий Кенгаши раиси Ш.Зайниддинов, Ўзбекистон Республикаси Халқ таълими вазири Б.Саидов имзолари билан тасдиқланган Сертификат билан тақдирланди.
“Ёшларга оид давлат сиёсати”ни амалга оширишда ва Ўзбекистон ёшлар иттифоқи аъзолари ҳамда тумандаги ёшлар манфаати учун ташкил қилинган лойиҳа, тадбир ва фестивалларда фаол иштирок қилиб , юқори натижаларга эришиб келаётганлиги учун Қўшкўпир туман ҳокими Ж.Рахимов томонидан ташаккурнома билан тақдирланди.
2022 йил, 15 август. Ўзбекистон Ёшлар Иттифоқи Қўшкўпир тумани Кенгаши томонидан “Ёзни “Камалак” билан!”лойиҳаси доирасида ўтказилган расмлар танловида фаол иштирок қилиб, ғолибликни қўлга киритди.
2022 йил, 22 сентябрь. Қўшкўпир тумани Сардорлар Кенгаши аъзоси этиб сайлангани муносабати билан Ўзбекистон Ёшлар Иттифоқи Хоразм вилояти Кенгаши раиси Т.Жуманиёзов томонидан Ишонч Ёрлиғи топширилди.
2022 йил, 23 октябрь. Москванинг”Mindskills Global” интеллектуал маркази томонидан ўтказилган, 38 та давлат вакиллари иштирок этган ва 9 босқичда давом этган ментал арифметика бўйича Халқаро онлайн олимпиадада ғалаба қозонди.
2022 йил.11 декабрь. Ўзбекистон Республикасида илк бор барча вилоятлараро “Ментал арифметика” бўйича Тошкент вилояти Янгийўл тумани ”Тиллақош” нодавлат таълим муассасасида ўтказилган Республика саралаш босқичида 1– ўринни эгаллаб, Қозоғистонда бўлиб ўтадиган “Ментал арифметика” бўйича беш давлат ўртасидаги халқаро олимпиадага йўлланма соҳибаси бўлди.
Миллатимизнинг Янги Ўзбекистон истиқболи сари кўзлаган улкан марраларини эгаллашда Севинчой каби серқирра ёшларимиздан умидимиз беқиёсдир.
Ринат ОТАЖОНОВ.
Хоразм вилояти Қўшкўпир туманидаги 4 – ИДУМ
ўқув-тарбия ишлари бўйича директор ўринбосари.
.