“Hududgaz Xorazm” gaz ta’minoti tomonidan aholiga suyultirilgan gaz ballonlari o‘z vaqtida va sifatli yetkazib berilmoqda.Viloyatdagi gaz to‘ldirish shoxobchalarida ish olib borayotgan mutaxassis, chilangar va haydovchilar har doim texnika yong’in xavfsizligi qoidalariga amal qilgan holda ish olib borishadi. Aholidan yig‘ilib, suyultirilgan gaz to‘ldirish uchun olib kelingan maishiy gaz ballonlari avvalo, og’ir qoldiqlari to’kilib, so‘ng gaz bilan to‘ldiriladi. Gaz to‘ldirish shoxobchasi xodimlari tomonidan maishiy gaz ballonlardagi bar kodli yorliqlar yordamida olingan gaz ballonlari maxsus bazaga yuklanadi. Chilangar o‘zi qabul qilib olgan to‘ldirilgan gaz ballonlarini har bir iste’molchiga bar kod va ID karta yordamida topshiradi.
Shu tariqa suyultirilgan gaz yetkazib berishning onlayn tizimi yo‘lga qo‘yilgan. Bugungi kunda Qo’shko’pir tumanining 28 ta mahallasidagi 10 076 ta aholi xonadonlari va 7 ta ijtimoiy soha obʼektlari suyultirilgan gazdan foydalanib kelmoqda. Tumanning “Oshoqqal’a” mahallasida 843 nafar aholi iste’molchilari mavjud bo’lib, mahalla aholisi maishiy gaz balloni bilan to’liq ta’minlangan. Mahalla ahliga suyultirilgan gaz ballonlari belgilangan muddatlarda maxsus avtotransportlarda yetkazib berilmoqda. Yil boshidan beri mahallaga 92 tonna suyultirilgan gaz yetkazib berildi.
– Suyultirilgan gaz yetkazib berishning onlayn tizimidan juda mamnunmiz – deydi, mazkur mahallada yashovchi Dilrabo Rahimova.
Suyultirilgan gaz yetkazib berishning onlayn tizimidan iste’molchilar mamnun.
“Hududgaz Xorazm” GTF matbuot xizmati.