Muallif haqida
Mohinur, (Oyjamol Aliyeva) 1949 – yil 10- iyunda Qoraqalpog‘iston Respublikasi, Beruniy tumanida tavallud topgan. Toshkent Davlat universiteti (hozirgi UzMU) ning matematika va huquqshunoslik fakultetida tahsil olgan. Moskva Davlat universiteti (MGU) da nomzodlik ishini himoya qilgan.
Ijodda ham o‘z o‘rniga egadir. Uning «Bo‘ston bahori», «Subhidam navolari»,»Ilk sevgi»,»Ko‘ngil sarhadi»,»Ilinj so‘z», «Ezgulik fayzi», «Tulki va laylak”, «Ayirmasin O‘zbekistondan!» nomli kitoblari nashr etilgan. «Ma’naviyat, ma’rifat, ijod…-1′, Ma’naviyat,ma’rifat,ijod…-2» jamoa to‘plamlarida she’rlari chop etilgan.
U Xalqaro Turon Akademiyasi Yozuvchilar Uyushmasining haqiqiy a’zosi, Turonda xizmat ko‘rsatgan adib, «Do‘rmon» ijodkorlar klubi a’zosi va ko‘krak nishoni, diplomi va guvohnomalariga ega.
MUHABBAT KELAR BO‘LSANG…
Davo bo‘lib kelgin dardli insonlarga muhabbat,
Soz bo‘lib kelgin yaxshi oshiyonlarga muhabbat.
Ber sen davo toshdek qotgan yomonlarga muxabbat.
Ishq bo‘lib kir kelar bo‘lsang zomonlarga muhabbat.
Men seni kutgum azizim tunlar bedor muxabbat,
Kutdim dilda armon bilan senga xumor muxabbat.
Seni kutgum kel, majruh qalbimga bir bor muhabbat,
O‘tdi qancha sensiz qish, yoz, kuzak bahor muhabbat,
Tunlarim tongga ulangay agar kelsang muhabbat,
Baxt eshigi ochilgay lang magar kelsang muhabbat.
Tosh yuraklar sumalakdek erur ming bor muhabbat,
Vafodoring yo‘llariga bo‘l intizor muhabbat.
Dilim tun kabi zimiston nur bo‘lib kel muxabbat,
Ruhlarga jon ato etgil shuni sen bil muhabbat.
Bu majrux dilga navo bo‘l qalbimni til muxabbat,
Seningla bul ochunda topaylik til muxabbat.
YANGI YIL
Ko‘nglimizga xush kayfiyat, xush navo,
Kel,kelaqol yangi yilim marhabo.
Kelaqoling Qorqiz bilan Qorbobo,
Davramizga tashrif buyur marhabo!
Yangi yilim olib kelsin omadlar,
Yangi yilim muhabbat olib kelsin!
Xalqimizga bersin ko‘p daromadlar,
Yangi yilim baxt-u taxt olib kelsin.
Yilimizning tashriflari xush havo,
San’atimga «suvora»olib kelsin!
Oshno bo‘lsin barchamizga kuy- navo,
Yangi yilim marhabo-qutlug‘ kelsin!
Qorlar yog‘ib dalalar suvga to‘ysin!
Dehqonlarning hirmoniga baraka.
So‘lim bog‘lar mevalari mo‘l bo‘lsin!
Bog‘bonlarning hosiliga baraka.
Sizga tilay do‘stlar sog‘lik -omonlik,
Eson –omon eski yildan o‘taylik.
Dasurxonga to‘kinlik-farovonlik.
Yuz yoshda ham yangi yilni kutaylik!!!
QADRINGNI BILMAS
Yomonlik chiqmaydi nasli tozadan,
Yomonlar hech qachon qadringni bilmas.
Yaxshilik kutmagil ko‘ngli qoradan.
Yomonlar hech qachon qadringni bilmas.
Chaqirmagan yerga mehmonga borma,
Tishingni sindirar bo‘lsada qorma*
Nomardga egilib maslahat so‘rma,
O‘zidan past bilar qadringni bilmas.
Nomardlar bo‘ladi axir betayin,
Amaldorni maqtasang sen kun sayin,
Ular-ku yerdagi shaytoni la’in.
O‘rnini yuqotar qadrini bilmas.
Yomon bilan hargiz bo‘lmag‘il ulfat,
Dasturxondan qochar bilsang barokat,
Yasholmassan yurtda tinch-u farog‘at,
Nomard u mard emas izzatini bilmas.
Yomonlar qiladi do‘stlardan ayri,
Yomonni bo‘lmaydi el uchun xayri.
Yomonga yo‘ldoshsan qo‘llaring boyli,
Yomon yaxshi emas dardingni bilmas.
Labzi halollarga Allohim yordur,
Yo‘qchilikda kishi holi nochordir.
Agar U istasa lahzada boydur,
Beshingni o‘n etar to‘rtingni bilmas.
Yaxshilik qil ,yaxshilik qil, Mohinur,
Yaxshilik qilganga siylov qo‘xinur,
Yomonlikdan sen doimo uzoq yur,
Yomonga yo‘ldoshlar qadringni bilmas.
MUSHOIRA MAVZUSI:
ISHQ
Jodu ko‘zi suzuk noz-u qarashmasi,
Yuzing oftob, misol kumushning parchasi.
Jonim olar mening yorimning ishvasi,
Yana qancha siring bordir, ayt, ey ishq!?
Mehringni bermading menga yor bo‘lib,
Yuz ming hasratingla, bemador bo‘lib,.
Kechdi umrim g‘amlardan bemor bo‘lib,
Yana qancha siring bordir ,ayt, ey ishq!?
Dilga kirding, g‘amza-yu, nozing ila,
Jonim olding meni pardozing ila,
Meni quvontirding parvozing ila
Yana qancha siring bordir ,ayt, ey ishq!?
Gulzor aro nargiz ko‘zluk sizmidingiz?
Yo Rabb, axir, shams yanglig‘ sizmidingiz?
Noma yozgan menga yenlik sizmidingiz?
Yana qancha siring bordir ,ayt, ey ishq!?
Qamar yuzdin oy -yu kun ham xo‘p uyalur,
Yo‘q ishqni, xusni-raftoring bor qilur.
Sen vafo qilmassen rashking jonim olur,
Yana qancha siring bordir ,ayt, ey ishq!?
Muhabbat yo‘lida ne g‘am ko‘ngil, senga,
Yor deb sursang xayol,bayramdir, senga,
Ortiq sevding, kuydirsa kamdir senga,
Yana qancha pinxon siring bor,ey ishq!?
MUSHOIRA MAVZUSI:
SINOVLI DUNYO
Ko‘ngillar dardiga chora topolsang,
Meningdek dunyoda yashasang, faqir.
Sinovlardan chora zora topolsang,
Allohim qo‘ymaydi seni tap- taqir.
Uyqusi og‘irdir mening baxtimni,
Ovozi samoga yetmas nolamning.
Yo‘q ersa Yaratgan nazar solardi
Sadosi tutardi axir olamning.
Ishq elikim, ko‘ngli sodda, beozor,
Bevafolarni ham yorim deydilar.
Xaloyiq bilmaydir, oydanda toza.
Sinovli dunyoni borim deydilar.
Giryon aylagan bu jamoling vasfi,
O‘shal qora ko‘zing rom etar meni,
Xalok etar meni orazing qasdi,
Bul yorug‘ kunimini shom etar meni.
20.05.2023yil.
.