Ma’lumki o’quv yilining har bir oyi bitta fanga ajratilgan bo’lib, shu fan oyligida sinfdan tashqari tadbirlar, kechalar ochiq dars mashg’ulotlari bahs va munozaralar o’tkazilib boriladi.2021-yil sentabr oyi ’’Boshlang ‘ich ta’lim fani oyligi” hisoblanib, maktabimizda ham turli xil tadbirlar tashkil etildi. Bugungi tadbirda maktabning 2’’A’’va 2’’B’’- sinf o’quvchilari o’rtasida quvnoq matematik viktorina, ya’ni, savol-javob kechasini o’tkazish uchun to’planganmiz. Fursatdan foydalanib bu kechada har ikkala sinf o’quvchilariga omad tilab qolamiz.
Ming yillar basharga ko’makdosh-dastyor,
Ajdodlar mushkilin oson etgan fan.
Tabiat sirlarni kashf etar bisyor,
Yetti iqlimda teng tanlamas Vatan.
Me’morlikda bilsang usiz ko’p qiyin,
Agronomlar uchun dasturul-amal.
Texnik fanlar ichra o’rinidir tayin,
Injiner har ishda qiladi amal.
Koinot safari usiz xom xayol,
Ayting, bu xislatlar qaysi fanda bor?
Do’stlar, bundayin xislatga ega,
Yagona fan erur – matematika.
Endi viktorina bellashuvini o’tkazish tartibi bilan tanishtiraman. Mana stolda 2’’A’’va 2’’B’’- sinf jurnali bo’yicha raqami va ism-familiyasi yozilgan. Kartochkalar qo’yilgan. O’rtada esa 20-ta savol raqamlari qo’yijgan. Bellashuv tartibi quyidagicha: yordamchi o’quvchimiz Ahmedova Maftunani davraga taklif etamiz. Maftuna o’quvchilar va misol raqamlarini tanlaydi. Masalan:2’’A’’ va 2’’B’’-sinfdan tanlangan o’quvchilarga misol raqamlaridan ikkitasini tanlab topshiradi. O’quvchilar tanlangan misol yoki masalani sinfiga ajratilgan doskada yozib tayyorlashadi va izohlab berishadi.Hakamlar hay’ati esa ularning javoblarini baholab boradilar. Bugungi kechamizning 2-sharti esa quyidagicha: savol-javoblar orasida siz aziz barcha o’quvchilarga matematika fani bo’yicha qiziqarli savollar va jumboqlar beriladi. Eng faol o’quvchilar aniqlanadi va taqdirlanadi. 3-shart “O‘yla,izla,top “o yini ,4-shart “Davom ettir “o ‘yini 5-shart “Sardorlar bellashuvi “ dan iborat.
Ushbu bellashuv o’quvchilarning to’la faolligida bo’lib o’tdi.Do’stlik g’alaba qildi. 2’’A’’-singdan Gulhayo To’rayeva,Artur Vafayev,Muslimbek Otaboyev,Artur Quvondiqov, Zarina Artiqova, Asaloy Ko’palova, 2’’B’’- sinfdan Go’zaloy Bahodirova, Shoxruh Olimboyev,Parvozbek Botirov,Shodiya Ollomova, Sanjarbek Shavkatov kabi o’quvchilar savol-javob bahslarida faollik ko’rsatdilar.
Fan oyligi doirasida o’tkazilgan qiziqarli tadbir uchun maktab rahbariyati hakamlar hay’atiga, 2’’A’’ va 2’’B’’- sinf o’quvchilariga, sinf rahbarlariga va fan o’qituvchilariga minnatdorchilik bildirishdi. Faol o’quvchilar «Tashakkurnomalar» bilan taqdirlanishdi.
Anorjon JUMANIYOZOVA,
Sumbuloy MADRIMOVA,
Xiva tumanidagi 39- umumiy o ‘rta ta’lim maktabining boshlang ‘ich sinf o ‘qituvchilari.