Qalam va o‘chirg‘ich
Qalam agar, chizsa xato yo‘l,
Aybin yuvar o‘chirg‘ich doim.
Ajralmasa o‘chirg‘ichdek do‘st,
Bo‘lganda ham, qiyomat qoyim.
Bir-birini sotsa, ikki do‘st,
Yuz o‘girsa, kelganda g‘urbat.
O‘chirg‘ich va qalam misoli ,
Bo‘lolmaydi qadrdon, ulfat.
Minnat qilma
Minnat qilma, qilganlaringni,
Minnat qilma, yeganlaringni,
Minnat qilma, nima bo‘lsa ham,
Minnat qilma, berganlaringni.
Bobur
She’riyatga oshno yosh yigit,
Hindistonning sultoni, shohi!
Qo‘lda qilich, bir qo‘lda qalam,
Zir titratar olamni ohi.
Sher yigitning ko‘zlarida g‘am,
Vatan tomon mungli qadalgan.
Go‘yo unda katta qudrat bor,
Qalbi yurti uchun atalgan.
Daraxt
Daraxt ham insonlar kabi,
Nihol bo‘lib, voyaga yetar.
Yaproqlarin baralla yoyib,
Atrofga ko‘rk baxshida etar.
Daraxt ham keksayar bir kun,
Odamlarda aks etar ajin.
Daraxtdek yashamoq ham baxt,
Qadi baland, sersavlat va jim.
Muxlisa SHERIBBOYEVA
Shovot tumanidagi 28- umumiy o‘rta ta’lim maktabining
7-«A» sinf o‘quvchisi «Raxshon» to‘garagi a’zosi.